Ginakalipay sang presidente sang Taxi Operators of Negros Occidental (TONO) nga indi na mandatory ang pagpatigayon sang motor vehicle inspection system (MVIS) kag pagpaiway sang implementasyon sang child car seat law.
Nahibaluan nga requirement kuntani para sa agud magparehistro ukon magrenew sang lisensya sang salakyan sa Land Transportation Office (LTO) ang MVIS.
Sa interview sang Bombo Radyo Bacolod kay TONO President Mario Eusebio, ginpahayag sini nga mas maayo nga indi na mandatory ang MVIS bangud nga imbes makabulig, mas nagabudlay pa gid nga nagabudlay bangud dugang lang ini sa mga balayran.
Suno kay Eusebio, maayo man tani ang tinutuyo sini agud nga matsekyar ang mga public transport kag masiguro ang road worthiness sini.
Apang tuman naman ka mahal sang sukot sang mga MVIC.
Samtang, nagapasalamat man si Eusebio nga ginpaiway ang implementasyon sang child car seat law.
Nahibaluan nga sa idalom sang Republic Act No. 11229 ukon Child Safety in Motor Vehicles Act, dapat nga ang mga kabataan nga nagaedad 12-anyos panubo kag may kataason nga 4’11� ang indi pwede makasakay sa front seat kag dapat may yara sila sang child car seat para sa proteksyon.
Suno kay Eusebio, dapat nga tun-an anay sang husto ang proper implementation sang layi antes ini ipatuman.
Nagpanugyan man ini nga samtang wala sang child car seat, importante nga may yara lang sang adult nga nagabantay ukon naga-uyat sa bata kun nagasakay sa mga salakyan.
