Gin-athag sang Public Information Officer sang Department of Education-Division of Negros Occidental nga wala sang required nga libro nga dapat nga baklon para sa catch-up friday santo sa guidelines nga ginpagwa sang Department of Education.
Sa interview sang Bombo Radyo Bacolod kay Ian Arnold Arnaez,wala sang required nga libro nga kinahanglan baklon ang mga estudyante agud nga basahon para sa catch-up friday bangud madamo man sang textbooks nga ginhatag ang DepEd para basahon sang mga estudyante.
Suno kay Arnaez, may yara sang nagakadto nga representatives sang publishing companies sa mga eskwelahan para magbaligya sang libro kag nakadepende sa mga estudyante kun sila ang magabakal agud basahon ang libro, apang wala nagamando ang DepEd nga kinahanglan magbakal sini para gamiton sa catch-up friday.
Suno diri ang catch-up friday ang nag-umpisa subong nga tuig agud nga masolusyunan ang problema sang mga kabataan sa reading and comprehension skills.
Apang indi lang man reading kag comprehension ang ginatudlo sa catch-up friday bangud may yara man sang iban pa sang iban kaangay sang values kag health.
