Nagapadayon sa karon ang pagpanagtag sang cash assistance kag food packs sa mga mangunguma kag mangingisda sa idalom sang Bayanihan to Recover as One Act ukon Bayanihan 2.
Ang cash and food assistance sang Department of Agriculture sa idalom sang Bayanihan 2 ang may partnership sa Philippine Coconut Authority (PCA); Sugar Regulatory Administration (SRA) kag Bureau of Fisheries and Aquatic Resources.
Sa interview sang Bombo Radyo Bacolod kay Negros Occidental Provincial Agriculturist Atty. Japhet Masculino, ginabanta nga 34 mil ka mga beneficiaries ang target nga mahatagan sang cash and food assistance sa probinsya.
Ang cash assistance ang ginalakipan sang P3000 nga cash nga mahimo makuha sa remittance centers sa tion nga may yara na sang code ang beneficiaries nga ginhatag sang Municipal ukon City agriculture’s office kag ang foodpacks ang ginahatag sang tagsa ka mga Local Government Unit (LGU).
Ang foodpacks ang ginalakipan sang dressed chicken kag itlog.
Suno kay Masculino, ang mga ahensya nga nagpartner sa DA ang magatumod sa mangin beneficiaries sang food and cash assistance.// Ang magabaton sini amo ang mga mangunguma nga nagatalauma sang isa ka ektariya panubo kag magagmay nga mangingisda nga wala nakabaton sang ayuda sa una nga hugnat sang tagtaganay.
Sa karon, nagadangat na sa 9, 000 ka mga beneficiaries ang nahatagan kag kapin P4 million na ang kabug-usan nga nahatag.
Ginpahayag man sini nga mahimo sa Pebrero pa matapos pagpanghatag sang assistance ukon mahimo maextend pa.
Gin-anunsyar man sini nga sa Pebrero 3, may yara sang pagpanagtag sang cash kag foodpacks sa syudad sang Bago para sa mga fisherfolks.
Nagpanugyan man ini sa tanan nga mga mangunguma kag manugpangisda nga wala pa makabaton ang mahimo makig-angot sa mga Municipal kag City Agriculture’s Office agud maabisuhan sang dapat himuon agud mahatagan sang food and cash assistance.
Gin-athag sang man ni Masculino nga ang nakabaton na sang cash assistance nagikan sa iban nga ahensya sang gobyerno ang indi na kwalipikado nga magbaton.
