Nangin top 7 sa 2025 Master Plumbers Licensure Examination ang graduate sang Techonological University of the Philippines-Visayas nga tumandok sang Talisay City, Negros Occidental.
Sa interview sang Bombo Radyo kay Engineer Elizer John Segayo Alimane, nagkuha ini sang exam sang Pebrero 20 kag 21 sa Iloilo.
Suno diri, wala ini naglaum nga makuha ang top 7 kag 85.10 nga passing rate sa licensure examination.
Una na nga nakapasar si Alimane sa Mechanical Engineering Licensure Examination kag nagreview naman para magkuha sang Master Plumbers Licensure Examination.
Sa masobra 3,000 ka mga nagkuha, kapin sa 1,000 lamang ang nakapasar.
Nangin challenge naman para sa iya ang pagbasa sang madamol nga libro bangod mas nanamian ini magsolbar sang mga equations.
Pahayag sini dapat may yara sang disiplina sa kaugalingon kaangay na lamang kun oras sa pagbugtaw dapat magbangon kag kun oras sa pagtulog dapat magtulog.
Dugang pa sini, mas maayo kun may yara sang inspirasyon sa pagtuon.
