Nagresume na ang klase sa tanan nga public schools sa bilog nga Pilipinas matapos nga napostpone ang opening of classes sa pila ka mga buluthuan bangud sa paglaslas sang Typhoon Carina kag Southwest Monsoon.
Madumduman nga gingamit sang mga local governments sa Metro Manila kag malapit nga mga probinsya ang pila ka mga buluthuan bilang evacuation shelters sang linibo ka mga residente nga naapektuhan sang makusog nga pag-ulan kag pagbaha sang tinalikdan nga semana.
Sa masobra 47,000 ka mga buluthuan sa bilog nga pungsod, kapin 1,063 ang wala nag-upod sa pagbukas sang klase sang Hulyo 29 kag ginpostpone ang opening of classes sa Agosto 5.
Apang sang Lunes, 42 ka mga buluthuan sa Malabon City ang wala naka-upod diri bangud sa makusog nga pag-ulan.
Apang kahapon, gin-anunsyar sang DepEd nga tanan nga mga buluthuan sa bilog nga pungsod ang nagresume na sa ila “normal operations” kag wala na sang may ginagamit nga evacuation centers.
Sa karun nga gin-extend tubtob sa Setyembre 16 ang enrollment activities, ginalauman sang DepEd nga magadangat sa 27.7 million ang numero sang mga enrollees.
