Normal lamang sa isa ka tawo nga makabatyag sang kasubo ilabi nagid kun ang nakaandan mo nga gawian ang naglain, apang ang indi normal amo ang maglakat ka nga wala nagpahibalo.
Kaangay lamang sa tatlo ka mga madre nga nagpalagyo nagikan sa ila nga retirement home kag nagbalik sa ila anay nga kumbento.
Ini nga mga madre ang nagretiro na kag ang nasambit nga kumbento nga ila ginbalikan ang ila nangin puluy-an sa sulod sang masobra anum ka dekada.
Sanday Sister Bernadette, 88; Sister Regina, 86; kag Sister Rita, 82, ang ulihi nga tatlo ka mga madre sa nasambit nga kumbento.
Santo sa report, ini ang nagserbe nga puluy-an kag lugar kun sa diin nangin manunudlo bangud isa man ini ka pribado nga eskwelahan para sa mga kababainhan humalin sang 1877.
Tubtob sa napilitan ang mga ini nga pasayluhon sa isa ka Catholic care home sadtong December 2023 matapos nga mag-take over ang Archdiocese of Salzburg kag ÂReichersberg Abbey sa building sadtong 2022.
Nagpaninidugan si Sister Bernadette nga ginhatagan ang mga ini sang kinamatarong nga magtinir sa kumbento tubtob sa ila nga kamatayon apang wala ini gintuman.
Suno kay Sister Rita masami siya nga nagakasubo sa retirement home kag tuman ang iya nga kalangkag nga nakapauli na sila.
Ginpamalabagan man ni Provost Markus Grasl ng Reichersberg Abbey, superior sang mga madre, ang pagbalik sang mga ini.
Sa pihak sang pagpamalabag sang simbahan nagapabilin ang tatlo ka madre sa kumbento.
Ginpadulungan man ang mga ini sang doctor agud nga lantawon ang ila nga kahimtangan.
