Tatlo na tanan ka kabataan lakip na ang walo ka bulan nga bata, ang gindala sa ospital bangod sa hapo kag ubo nga dala sang tuman nga yab-ok gikan sa ginapatigayon nga construction sa Purok Villagracia, Barangay Bata, ciudad sang Bacolod.
Sa interview sang Bombo Radyo Bacolod kay Jesus Santia, residente sang nasambit nga lugar, gindala sa ospital ang walo ka bulan nga bata, kag duha ka walo ka tuig nga mga bata bangod sa hapo kag ubo.
Suno diri, ang apo man sini mismo ang iya ginpacheck-up bangod sa ubo kag sip-on kag ginresetahan sang bulong nga nagdangat sa kapin sa P4,000 ang ila nagasto, apang sila ang ginrekomendahan nga kun magpadayon ang paglain sang pamatyag sang iya apo, ini ang ipa-admit na.
Pahayag ni Santia, wala ini nagapamalabag sa trabaho sang Home World Construction apang kun tani ginasige-sige ang pagbuhos sang tubig sa dalan agud mahagan-hagan ang yab-ok.
