Gin-ako mismo sang tiyo ang ginhimo sini nga pagpanghimulos sa tatlo ka tuig nga babayi nga iya hinablos sa ciudad sang Bacolod.
Sa interview sang Bombo Radyo Bacolod sa suspetsado, makaisa lamang ka bes sini nga natandog ang bata kag sadto siya ang yara sa impluwensya sang makahulubog nga ilimnon kag naggamit sang illegal nga druga.
Nahibaluan nga ang bata ang ginabilin sang iloy sa iya utod nga lalaki bangod nga nagatrabaho ini.
Apang, sang nakaligad lamang sang masami nga ginatudlo sang bata ang iya kinatawo kag nagareklamo nga nagasakit ini.
Gindala sang iloy ang iya bata para ipa-check up kag didto nahibaluan nga may laceration sa iya kinatawo kag mismo ang bata ang nagtudlo sa iya nga tiyo nga amo ang kaupod sini sa balay.
Suno sa masobra sa 30 anyos nga suspetsado, nagapangayo ini sang pasaylo sa iya nga nahimo kag ini ang indi na maliwat.
Sa karun ang suspetsado ang nakahunong na kag ini ang magapangatubang sang nagakaigo nga kaso.
