Nagapadayon ang Israel sa pagpatigayon sang military operation sa central Gaza kun sa diin tatlo ka mga persona ang napatay kag dinosena ang pilason samtang mas nagadalom ang invasion sa sur nga bahin sang Rafah suno sa mga residente.
Nag-igo ang mga Israel planes sa isa ka balay sa Al-Nuseirat camp, kun sa diin duha ka mga persona ang nagkalamatay kag 12 ka iban pa ang pilason samtang nagpatigayon naman sang shelling ang mga tangke sa tatlo ka maragtason nga mga refugee camps sang Gaza.
Sa Deir al-Balah, isa ka ciudad nga puno sang displaced nga mga pumuluyo sa central Gaza Strip, isa ka Israeli air strike ang nagpatay sa isa ka Palestinian kag nagpilas sa pila ka mga pumuluyo.
Masobra walo ka bulan humalin sang nagsugod ang gyera sa Gaza, nagafocus sa karun ang militar sang Israel sa Rafah, nga nagduso sa minilyon ka mga pumuluyo nga nagatinir diri nga magbiya kag magpangita sang iban nga matiniran.
