Wala na sang lauman ang mga taxi drivers sa Negros Island Region nga fuel subsidy.
Sa interview sang Bombo Radyo Bacolod kay Land Transportation Franchising and Regulatory Board–Negros Island Region Director Atty. Gerry Llena, indi sini luyag nga magpasalig pa sa mga taxi drivers nga makabaton pa sila sang fuel subsidy.
Suno kay Llena, nakadepende na sa national office kun magapanghatag pa sang fuel subsidy.
Suno pa diri, wala pa man sang update kun mahimo ang mga ini matagaan sang ayuda sa idalom sang Assistance to Individuals in Crisis Situations (AICS) bangud ang central office sang Department of Social Welfare and Development ang magadesisyon.
Samtang ginpahayag man ni Ronald Allan Pelaez Salgado, leader sang Samahan ng mga Taxi Drivers sa Bacolod City, dismayado sila sa ginpahayag ni Land Transportation Franchising and Regulatory Board–Negros Island Region Director Atty. Gerry Llena.
Suno kay Salgado nagpasa man sila sang requirements apang wala gid sila matagaan sang ayuda nga sila ang legitimate man nga drivers.
Suno diri sila ang miyembro man sang drivers academy sang Land Transportation Office apang wala gid mahatagan sang ayuda.
Bangud sini, magapangayo na lamang sila sang bulig kay Senator Erwin Tulfo.
