Sulod na sa gold medal match ang USA men’s basketball team sa Paris Olympics matapos nga malutos ang Serbia sa 95-91.
Nangin dako nga pagpanghangkat sa USA ang hampang bangud sa umpisa pa lang gindominar na sang Serbia ang hampang.
Nagdangat pa sa 17 points ang abanse sang Serbia kag sa ulihi nga minuto sang last quarter ginpilit sang Olympics gold defending champion nga USA nga mabadbad.
Nagpangibabaw sa hampang si Golden State Warriors star Stephen Curry nga nagrecord sang 36 puntos kag walo ka rebound samtang si Joel Embiid ang may yara sang 19 points, walo ka rebounds kag si LeBron James ang may yara sang 16 points, 12 rebounds kag 10 assists.
Sang natapos ang first half nauyatan pa sang Serbia ang 11 points nga abanse sa pagpanguna ni
Aleksa Avramovic nga may yara sang 15 points kag Bogdan Bogdanovic nga may yara sang 12 points samtang si NIkola Jokic ang may yara sang nine points kag pito ka assists.
Sa pinakaulihi nga quarter ang nagagana ang depensa sang USA kun sa diin may yara sang 7-0 run si Joel Embiid kag naggana man ang three points shot ni Curry.
Bangud sini, makasumpong sang five-time Olympics gold medalist nga USA Team ang France samtang ang Serbia ang makasumpong ang Germany para sa bronze medal game.
