Temporaryo nga ginpa-untat sang Department of Agriculture (DA) ang importasyon sang domestic kag wild birds gikan sa New Zealand bangod sa outbreak sang avian influenza ukon bird flu didto.
Santo sa statement nga ginpagwa sang DA, nag-issue sang Memorandum Order 01 si Agriculture Secretary Francisco Tiu Laurel Jr., sa gilayon nga suspensyon sang processing, evaluation, kag issuance sang sanitary kag phytosanitary import clearances para sa domestic kag wild birds kasubong man sa mga itlog, mga day-old chicks, semen, kag poultry meat gikan sa New Zealand.
Apang, ang shipment nga na-transit, na-load kag nabaton na sa ports antes pa man ang banning ang ginapahanaguton nga makasulod sa Pilipinas basta naprocess ang mga produkto antes sang Nobyembre 9, 2024.
Suno kay Laurel, importante ang import ban agud malikawan nga makasulod sa pungsod ang nasambit nga balatian kag maprotektahan ang local poultry population.
