Padayon nga nagasaka ang tensyon sa nagapadayon nga US presidential campaign nanday Kamala Harris kag Donald Trump matapos ang ikaduha nga ginalantaw assassination attempt batok sa Republican nominee kag anay presidente.
Ang pagkaaresto sang isa ka gunman sa golf course ni Trump sang Domingo ang kaangay man nga adlaw sang nagbubo ang bomb threats sa Springfield, Ohio, isa ka gamay nga Midwestern city sa sentro sang Republican-led conspiracies batok sa mga immigrants.
Suno sa FBI, gina-imbestigahan pa sini ang ginalantaw nga attempted assassination ni former President Trump.
Ginhingadlan ang suspetsado kay Ryan Wesley Routh, 58-anyos, nga nagpabutyag sang suporta sa Ukraine kag may yara sang malawig nga arrest record.
Wala pa sa karun natumod sang mga otoridad ang specific motive ukon political ideology para sa shooter sa isa ka campaign rally sa Pennsylvania.
Lunsay ginkondenar nanday Harris kag President Joe Biden ang pagpang-atake kay Trump kag ginpahayag nga wala sang lugar ang political violence ukon maskin ano nga ginamo sa pungsod.
