Nagnubo ang narecord sang Bacolod City Police Office nga kaso sang pagpangawat kag robbery sa ciudad.
Sa interview sang Bombo Radyo Bacolod kay BCPO Director Police Col. Eugene Rebadomia, base sa report kag blotter entry nagnubo ang kaso sang pagpangawat kag robbery sa ciudad.
Suno kay Rebadomia, may mga previous complainants nga nagpadayon sang ila reklamo kun sa diin may pila na sila nga nadakpan nga nagapangatubang sang kaso nga theft kag robbery.
Suno diri, nagapasalamat sila sa mga biktima nga nagpalapit sa mga kapulisan agud magpasaka sang kaso gani nadagdagan sang arrest warrant nga natigayon nga maserbe sa mga suspek.
Isa ka factor nga nakita sini kun nga nagnubo ang insidente sang robbery kag pagpangawat amo ang intensified police visibility.
Suno kay Rebadomia, ginpasanyog pa sang BCPO ang police visibility ilabi na sa karun nga tuman ang kapigaduhon kasunod man sang oil crisis.
Ini bangud indi malikawan nga himuon naman nga rason sang mga may indi maayo nga plano ang pigado nga sitwasyon.
Sa pihak sang report, madumduman nga sang damlag lang, may 71 anyos nga babayi nga nagdangop sa Ipa-Bombo Ta segment ang gina-alegar lapnagon nga kinawatay sa Brgy Granada, Bacolod City.
Apang kalabanan sa mga biktima ang wala na nagareport sa kapulisan, sa baylo madamo sang nagapost na lamang sa social media.
