Gina-imbitar ni Toboso Municipal Mayor Richard Jaojoco ang iban pa nga Local Government Unit nga mag-upod sa last 2 Sabado Nights Unli Blue Crabs sa banwa sang EB Magalona.
Nagtambong kahapon sa ikatatlo nga Sabado Nights Eat all you can Blue Crabs si Jaojoco upod ang iya asawa nga si former Mayor Madonnah Jaojoco.
Suno kay Jaojoco, siya ang nagbisita sa Sabado Nights sa EB Magalona bilang suporta sa blue crab industry.
Magabakal man ang Alkalde sang 2,000 kilos sang blue crabs kag ini ang ipanagtag niya sa mga manunudlo kag employees sa Toboso.
Ini bilang bulig sa mga manugpangasag sa EB Magalona nga apektado ang pangalabuhian matapos ang pagban sang US sang pag-export sang blue crabs sang Pilipinas.
Nagpanawagan man si Jaojoco sa iban nga LGU nga mag-upod kag maghatag sang suporta sa last 2 Sabado Nights sang EB Magalona.
