Patay ang isa ka tricycle driver sa banwa sang Hinigaran matapos nga gintiro sang suspetsado nga nagasakay sa motorsiklo subong nga Martes sang aga.
Sa interview sang Bombo Radyo Bacolod kay Police Major James Latayon, hepe sang Hinigaran Municipal Police Station, ang biktima nga si Jonel Tomasar alyas Boyet, 49-anyos, ang gintiro samtang nagakaayo sang iya tricycle sa higad sang dalan sa tadlong sang ila balay sa Lopez Jaena Street, Barangay 2, alas-6:50 sang aga.
Suno sa mga nakasaksi sa krimen, hinali lang nag-abot ang suspetsado kag hinali ini nga gintiro sa ulo nga nagresulta sa iya kamatayon.
Narekober sa crime scene ang isa ka empty shell sang .45 caliber pistol.
Wala pa natumod ang identity sang suspetsado nga nagaisahanon lang sa motorsiklo.
Suno sa mga witness, nagasuksok sang helmet kag gamay ang panglawason sang suspetsado.
