Ginpostpone ang trilateral call ni President Ferdinand Marcos Jr. kaupod sanday US President Joe Biden kag Prime Minister Shigeru Ishiba sa Enero 13, subong nga Lunes, bangud sa nagapadayon nga wildfires sa Los Angeles.
Sa statement sang Malacanang, Domingo kuntani ang schedule sang nasambit nga meeting.
Natalana nga istoryahan ni Marcos kag sang iya mga counterparts sa America kag Japan ang mga developments sa Japan, Pilipinas kag US trilateral agreement, isa ka series sang economic kag security partnerships sa tunga sang tatlo ka mga pungsod nga ginformalize sang Abril 2024.
Suno sa Presidential Communications Office (PCO) , ang Trilateral Leaders’ Phone Call kaupod ang Presidente sang Estados Unidos, Prime Minister sang Japan kag Presidente sang Pilipinas ang ginsaylo sa Lunes, Enero 13, alas 7:00 sang aga.
Suno kay Communications Secretary Cesar Chavez, ini bangud sa nagapadayon nga wildfires sa Los Angeles.
