Ginalauman nga masobra sa 5,000 ang magatambong sa Trillion Peso March kadungan sa paghanduraw sang People Power Revolution ukon EDSA Revolution sa Miyerkules, Pebrero 25, 2026.
Suno kay Fr. Arman Onio, provincial coordinator sang One Negros Ecumenical Council (ONEC), maumpisa alas- 12:30 sang udto ang ila pagtililipon sa South Capitol Road kag ala- 1:00 sang hapon may yara sang misa nga patigayonon sa gwa sang Capitol Lagoon.
Matapos ang misa may yara sang martsa halin sa South Capitol road padulong sa Lacson St, San Juan St, Araneta St kag Gonzaga St kun sa diin sila mapatigayon sang ila programa.
Suno diri, tubtob lamang sila alas- 4:00 sang hapon kag may yara sila sang duha ka speaker para sa programa.
Suno kay Fr. Onio, ang tanan nga magatambong masuksok sang puti nga tshirt bilang simbolo sa pagpakigbato sa korapsyon.
Sa karun ginabanta nga masobra sa 5,000 ang magatambong apang ginalauman sini nga magasaka ang numero sa 10,000 tubtob 15,000 kun masiguro na ang numero sang mga schools nga magapartisipar.
