Napatigayon na ang turn-over of command sang Iloilo City Police Office kaina sang hapon, Hulyo 23, 2024.
Nahibaluan nga si Iloilo City Police Office Director Police Colonel Joeresty Coronica ang igasaylo agud mangin City Director sang Bacolod City Police Office (BCPO).
Sa interview sang Bombo Radyo Bacolod kay Police Regional Office 6 Spokesperson Police Lt. Col. Arnel Solis, ang turn over of command ceremony ang ginpatigayon sa regional headquarters nga ginpangunahan ni PRO 6 Director Police Brig. Gen. Jack Wanky.
Si Coronica ang ginbuslan ni Police Col. Kim Legada nga Regional staff sa PRO 6.
Antes nangin ICPO Director si Coronica ang nangin Regional Staff man samtang magkabatch naman sila ni Legada sa Philippine National Police Academy.
Suno kay Solis, wala pa matumod kun san-o makatabok si Coronica sa Bacolod bangod ini ang may-ara pa sang gina-asikaso.
Sa pihak nga bahin si outgoing BCPO Director Police Col. Noel Aliño ang mapungko naman bilang Regional Director sang Criminal Investigation and Detection Group (CIDG) sang Philippine National Police (PNP) headquarters sa Camp Crame.
