Patigayunon na bwas, Pebrero 9 ang turn-over of command sa magabulos kay Police Col. Joeresty Coronica bilang city director sang Bacolod City Police Office.
Nahimo na magbisita si Coronica kay Bacolod City Mayor Greg Gasataya para sa exit call kasunod sa masobra isa ka tuig sini nga pagpangalagad bilang city director sa ciudad.
Suno kay Coronica, dako ang pagpasalamat sini sa city government sa tanan nga suporta nga ginhatag sa BCPO kaangay na lamang sang armored SWAT van nga ila nabaton kun sa diin ini ang una nga kahigayonan nga may ginhatag nga armored SWAT van sa kapulisan sa Negros Island Region.
Samtang, nagapasalamat man ini sa ginhatag nga budget para sa ICT development sang BCPO sa pagbaton nila sang mga computers, LED wall, kag pag-install sang mga CCTV sa nagkalain-lain nga area sa ciudad.
