Nagahilapit na nga magsanyog sa Super Typhoon category ang Typhoon PEPITO kag ini ang ginalantaw nga magatuga sang kahalitan sa Eastern Visayas kag Southern Luzon.
Ang sentro sang mata sang bagyo ang ulihi nga nasiplatan 220 km East Northeast sang Borongan City, Eastern Samar ukon 305 km East sang Catarman, Northern Samar.
Dala sini ang hangin nga nagadangat sa kabaskugon nga 175 km/h kag pagmadlos nga tubtob sa 215 km/h samtang nagahulag sa West northwestward nga dereksyon sa kadasigon nga 25 km/h.
Ginpaidalom sa Tropical Cyclone Wind Signal No. 3 ang Catanduanes, eastern portion sang Albay, eastern portion sang Camarines Sur, kag easternmost portion of Sorsogon sa bahin sang Luzon; kasubong man sa eastern portion sang Northern Samar, kag northernmost portion sang Eastern Samar naman sa bahin sang Visayas.
Signal No. 2 sa nabilin nga bahin sang Camarines Sur, nabilin nga bahin sang Albay, nabilin nga bahin sang Sorsogon, Ticao Island, Camarines Norte, easternmost portion sang mainland Quezon, kag Pollilo Islands sa Luzon; kasubong man sa northern portion sang Eastern Samar, northern portion sang Samar, kag nabilin nga bahin sang Northern Samar sa Visayas.
Signal No. 1 naman sa nabilin nga bahin sang Masbate kalakip ang Burias Island, Marinduque, Romblon, nabilin nga bahin sang Quezon, Laguna, Rizal, Cavite, Batangas, Metro Manila, Zambales, Bataan, Bulacan, Pampanga, Tarlac, Nueva Ecija, Aurora, Quirino, Nueva Vizcaya, Isabela, central kag southern portions sang Cagayan, Pangasinan, La Union, Ilocos Sur, Abra, southern portion sang Apayao, Kalinga, Mountain Province, Ifugao, kag Benguet sa Luzon; kasubong man sa nabilin nga bahin sang Eastern Samar, nabilin nga bahin sang Samar, Biliran, northern kag central portions sang Leyte, northeastern portion sang Southern Leyte, northernmost portion sang Cebu (Daanbantayan, Medellin) kalakip ang Bantayan Islands, kag northernmost portion sang Iloilo partikular na sa banwa sang Carles sa bahin sang Visayas; amo man sa northern portion sang Dinagat Islands sa bahin naman sang Mindanao.
Ang Typhoon PEPITO ang ginalantaw nga magapadayun sa iya banas padulong sa west northwestward nga dereksyon sa masunod nga tatlo ka adlaw antes magliko sa westward tubtob west southwestward nga dereksyon sa Lunes sang gab-i tubtob Huwebes sang kaagahon.
Sa forecast track, ginalantaw ang posibilidad nga magalandfall ang Bagyo PEPITO sa vicinity sang Catanduanes mahimo karun sa gab-i ukon bwas sa kaagahon.
Ang landfall scenario ang ginlantaw nga mahimo magtupa sa eastern coast sang Camarines Sur, Albay, ukon Sorsogon ukon sa eastern coast sang Quezon ukon Aurora bwas sa hapon ukon sa gab-i.
Ginalauman nga ang Bagyo PEPITO ang makagwa sa Philippine Area of Responsibility sa Lunes.
Bisan diin man ang landfall point, ang bagyo ang ginalantaw nga magalabay ukon magadikit sa kadutaan sang Bicol Region, Quezon, Central Luzon provinces, kag mga probinsya sang Benguet, La Union, kag Pangasinan antes maglapos sa West Philippine Sea bwas sa gab-i ukon sa Lunes sang kaagahon.
Sa pihak nga bahin, padayun pa ang paghuyang sang Tropical Storm OFEL.
Ang sentro sang bagyo ang ulihi nga nasiplatan sa 240 km Northwest sang Itbayat, Batanes.
Dala sini ang kabaskugon sang hangin nga nagadangat sa 75 km/h kag pagmadlos nga tubtob 90 km/h samtang ini ang mahinay nga nagahulag sa North northeastward nga dereksyon.
Nabatak naman ang tanan nga Storm Signal nga gintuga sang Tropical Storm OFEL.
Subong nga adlaw ginalantaw nga ini ang magaliko sa northeastward nga dereksyon padulong sa southern Taiwan kag maggwa sa kadagatan sa nasidlangan nga bahin sang Taiwan bwas sa kaagahon.
Sa paglabay sa kadutaan sang Taiwan, ginalauman nga magahuyang pa ang nasambitan nga bagyo.
