Ginpahayag sang United Arab Emirates nga sa asod-asod nga adlaw, sila ang gin-ulan sang mga missiles kag drones nga ginaalegar ginlunsyar naggikan sa Iran.
Madumduman nga nagpagwa sang phone alert ang UAE sang mga missile threats sa ila pungsod.
Sang Martes, ginpahayag sang UAE nga sila ang gin-atake sang Iran apang madinalag-on nila nga na-intercept ang mga pag-atake.
Apang, ginpaathag ni US Defence Secretary Pete Hegseth nga intact kag nagapabilin nga epektibo ang ceasefire sa pihak sang pagbaylohanay sang pagpang-atake sa tunga sang Estados Unidos kag Iran.
Suno diri, ginpangguba sang U.S. ang mga gagmay nga barko sang Islamic Revolutionary Guard Corps sang tinalikdan nga adlaw bilang kabahin sang ila nga operasyon sa pagsiguro nga luwas ang tanan nga commercial ships nga maglabay sa Strait of Hormuz.
Ginpahayag ni Hegseth sa isa ka press conference nga wala sila nagapangita sang gamo.
