Sa una nga tinion, ginpahayag ni Ukraine President Volodymyr Zelensky nga nakahanda ini nga isungka ang teritoryo sang Ukraine sa Russia para matapos na ang giyera.
Ginhimo sang presidente ang nasambit nga pahayag sa isa isa ka sang British television news channel sang Biyernes sang gab-i.
Suno diri, masarangan niya nga isungka ang pungsod temporaryo kabaylo sang pagpaidalom sa mga teritoryo nga kontrolado sagihapon sang Ukraine sa North Atlantic Treaty Organization (NATO).
Dugang pa ni Zelensky nga kun nakasugtan na ang ceasefire sa tunga nila sang Russia, mahimo nga maganegosasyon ang Ukraine sa diplomatiko nga pamaagi agud ibalik ang teritoryo sang nasidlangan nga sa karun kontrolado sang Russia.
Ang mga pahayag ni Zelensky ang nagapakita sang isa ka dako nga pagbag-o sa iya nga position.
Una na nga ginpahayag sang Kyiv nga padayunon sini ang pakig-away sa Russia tubtob nga maibalik ang mga ginakilala sang international community nga teritoryo sang Ukraine kalakip na ang apat ka rehiyon nga ginsakop sang Russia kag ginhimo nga annex sadtong 2022 kalakip na ang Crimea.
