Nagapati ang General Alliance of Workers Association (GAWA) nga mas madamo pa gid sang madulaan sang trabaho kun magpadayon ang giyera sa Middle East.
Sa interview sang Bombo Radyo Bacolod kay GAWA Secretary-General Wennie Sancho, ang pagsuspender sang fare increase makabulig sa mga commuters apang ang mga mamumgon ang padayon nga naga-antos bangod wala sang saka sa sweldo sa karun nga nagasaka ang presyo sang balaklon.
Suno diri, bangod sa pagsuspend sang fare increase mas nagnubo ang tsansa sang mga mumugon nga may matabo nga wage increase.
Dugang pa sini, bangod sa padayon nga giyera sa Middle East, posible nga mag-abot ang adlaw nga madamo sang negosyo ang masirado kag may mga madulaan sang trabaho.
Pahayag ni Sancho, makalolooy ang mga mamumugon nga nagapangabuhi nga nagasalig lang sa ila sweldo nga insaktohan lang sa pang-adlaw adlaw nga kinahanglanon.
Nagapati ini nga kun seryusohon sang gobyerno mahatagan nila sang solusyon ang problema sang Pilipinas bangod halos nagalab-ot sa milyones ang kwarta nga nagakadto lang sa korapsyon.
