Ang opening sang 2024 Paris Olympics ang patigayunon sa Seine River sa July 26, labing una nga kahigayunan nga indi sa stadium ang opening sang dako nga hinampang.
Ang parade of athletes ang patigayunon sa suba kun sa diin magasakay sa mga barko ang kada national delegation.
Ang mga barko ang equipped sang camera agud nga makita sang television kag online viewers ang mga athletes.
Nagikan sa east to west, magatabok ang 10,500 athletes sa sentro sang Paris nga amo man ang overall playing field sang mga games sa sulod sang 16 ka adlaw.
Ang parada ang magalabay sa 6-kilometer route kag magatapos sa atubang sang Trocadéro, kun sa diin patigayunon ang nabilin nga elements sang Olympic protocol kag final shows.
Ang Seine River ang kilala bilang River of France kag ini ang pinakamalaba nga suba, sunod sa Loire river.
Ini ang nahamtang 18 miles ukon 30 kilometers northwest sang Dijon kag ini ang nagailig paaminhan padulong sa Paris antes magtabo sa English Channel sa Le Havre.
Ang suba ang may kalabaon nga 485 miles ukon 780 kilometers samtang ang mga tributaries naman sini ang nagailig sa mga lugar nga may kasangkaron nga 30,400 square miles ukon 78,700 square kilometres.
Ini ang isa sa mga makasaysayan nga suba sa Europa kag ginadala sang drainage sini ang halos tanan nga French inland waterway traffic.
Madamo man ang nagakadto diri kag nagalakat-lakat bangud ini ang sentro sang capital sang France.
Kadam-an sang mga turista ang nagalibot sa maragtason nga suba sakay sa baroto bangud isa ini ka paagi agud makita ang kabug-usan nga katahom sang City of Light.
Ang suba ang napalibutan man sang managmi kag maragtason nga taytay kag ini ang nakapalibot sa mga kilala nga buildings kag monuments, kalakip na ang Louvre Museum, Eiffel Tower kag ang Cathedral of Notre Dame.
