Gindayaw sang United Nations (UN) Tourism ang powerful slogan sang pungsod nga “Love the Philippines” nga nagaganyat sang mga travelers nga hibaluon dugang ang kultura sang Pilipino kag mga destinasyon sa Pilipinas.
Suno kay UN Tourism Regional Director for Asia and the Pacific Harry Hwang, naobserbahan sini nga maayo man ang catchphrase nga ‘It’s More Fun in the Philippines, apang sa karun, nakita sini nga ang ‘Love the Philippines’ ang mas maayo.
Suno kay Hwang, ang Pilipinas ang dapat indi lang magtutok sa kalipayan ukon fun nga aspeto sang mga destinasyon bangud ang pungsod ang manggaranon sa kultura, kasaysayan kag ang pinakaimportante, ang mga pumuluyo.
Suno diri, ang mga Filipino ang nakahibalo kun paano mag abi-abi sang mga tawo kag nagpabutyag man sang iya mga nabatyagan sang nakabisita sa pila ka mga probinsya sa Pilipinas.
Ginpakilala sang Department of Tourism (DOT) ang slogan nga “Love the Philippines” sang nakaligad nga tuig agud nga i-emphasize nga ang pungsod ang mas madamo pa sang mahimo nga itanyag magluwas sa kalipay kaangay lamang sang natural assets, kasaysayan kag manggaranon nga kultura.
Kadungan sang bag-o nga kampanya, ginatinguhaan sang DOT nga madugangan ang mga aktibidad sa tourismo sa iban nga rehiyon paagi sa pagbulig sa ila sa pagpasanyog sang indi pa kilala nga mga tourism destinations.
