Ginsuguran na kahapon sang transport group nga Manibela ang tatlo ka adlaw sini nga protesta kag nagapanawagan sa gobyerno kag transport authorities nga hatagan ang mga unconsolidated jeepney drivers kag operators sang dugang nga isa ka tuig nga provisional authority matapos ang April 30 nga deadline para sa consolidation.
Suno kay Manibela chairperson Mar Valbuena, luyag man nila nga magcome-up sang isa ka jeepney prototype kag local manufacturers nga masanto sa standard sang gobyerno.
Ginhangkat man sini ang Department of Transportation (DOTr), Land Transportation Franchising and Regulatory Board (LTFRB), kag Department of Trade and Industry (DTI) nga aprubahan ang una nga prototype nga ila ginhimo.
Suno kay Valbuena, ang isa ka tuig nga extension ang agud makabyahe pa ang iban nga mga drivers nga wala na sang iban nga trabaho nga mahatag ang gobyerno bangud madamo sang mga wala sang palangabuhian sa karun.
Suno sa iya, luyag nila nga mapamatud-an sa sulod sang isa ka tuig nga luyag man nila sang modernization.
