BACOLOD CITY – Ginbawian na sang kabuhi ang isa ka electrician nga ginluthang sa ciudad sang Victorias, Negros Occidental kagab-i.
Tatlo ka pilas sa dughan ang naangkun sang biktima nga si Jonathan Baitan, nagatrabaho bilang security guard kag electrician sang Victorias Sports Complex.
Santo sa inisyal nga imbestigasyon sang Victorias City Police Station, sa pagpamuno ni Supt. Herman Garboza, nagalakat lamang ang biktima sang hinali nga ginluthang sang suspetsado nga ginkilala kay Romulo Lumawod alias Kamagong nga nagapabilin nga at large sa karon.
May narekober naman nga slug sa crime scene kag ipaidalom pa ini sa laboratory agud matumod kun anu nga sahi sang armas ang gin gamit sa krimen.
Suno kay Supt. Garboza, daan nga tema-tema sa tunga sang duha, nga pareho myembro sang Guardians, ang gin-ugatan sang krimen.
