Opisyal na nga nagshut-down ang gobyerno sang Estados Unidos matapos nga wala nangin madinalag-on ang Senado nga mapasar ang last minute funding bill ukon ang hagna nga magapadayon kuntani sang operasyon sang gobyerno.
Ini ang nagapatimaan nga temporaryo nga mauntat ang indi tanan kundi pila ka mga serbisyo sang gobyerno.
Ini naman ang labing una nga shutdown humalin pa sang 2018 tubtob 2019.
Suno sa mga report, maapektuhan diri ang pila ka mga ahensya kag mga trabahante snag gobyerno samtang ang importante nga mga serbisyo kaangay sang health kag security services ang magapadayon.
Ang ini nga hitabo ang bunga sang indi pag-intindihanay sang mga Senador sa pondo sang gobyerno, nga gintunaan sang hinali nga pagsirado sang pila ka bahin sang operasyon sang gobyerno sang Amerika.
