Gin-anunsyar ni Donald Trump ang pagsugod sang isa ka “golden age” sa Estados Unidos matapos nagtake-oath para sa maragtason nga ikaduha sini nga termino bilang Presidente.
Ini ang iya ginpahayag sa iya inaugural speech agud ipabutyag ang iya ginlaragway nga “broken” society nga iya igarescue.
Suno diri, nagsugod na sa karun ang golden age sang America.
Sumugod subong nga adlaw, ang pungsod ang magaflourish kag liwat nga magaagom sang respeto nagikan sa nagkalain-lain nga bahin sang kalibutan.
Kadungan sang iya pagpromisa sang renewal, daw kaangay nga nangin madulom ang iya tono kag gindenounce ang iya ginpahayag isa ka “betrayal” sang mga Americano paagi sa isa ka “radical and corrupt establishment.”
Suno diri, sa sulod sang pila ka tuig, isa ka radical kag corrupt nga establishmento ang nagkuha sang gahom kag manggad sa mga pumuluyo samtang nagapabilin nga broken ang sosyodad kag yara sa kahimtangan nga indi makay-o.
Ang 78-anyos nga Presidente ang natalana nga pagasuguran ang iya bag-o nga termino paagi sa immediate nga pagmando sa immigration kag US culture war.
