Gin-endorso na ni anay US President Barack Obama si Vice President Kamala Harris bilang kandidato sang Democratic Party para sa presidential elections subong nga tuig kag magabunggo kay anay Presidente Donald Trump nga official candidate sang Republicans.
Si Obama ang pinakaulihi sa active high-profile figures nga naghatag sang suporta kay Harris kasunod sang pag-atras sang 81-anyos nga si President Joe Biden sa presidential race.
Ginapahayag nga pabor si Obama nga magpatigayon sang nominating contest kadungan sang Democratic national convention sa Chicago agud nga opisyal nga mahingadlan kun sin-o ang mangin standard bearer sang Democrats.
Apang nakuha na ni Harris ang suporta kag endorsement nanday Biden, Bill kag Hillary Clinton, Nancy Pelosi, host sang state governors kag kadam-an sang senior Democrats sa kongreso kag nagdugang si Obama sa lista agud magduso sa kandidatura sang bise-presidente.
