Handa nga batunon sang Vallacar Transit Incorporated ang suspension sa napulo nila ka ceres bus unit nga may rota Maao-Bacolod.
Sa interview sang Bombo Radyo Bacolod sa media relations officer sang VTI nga si Jade Seballos, ginpahayag sini nga ila sundon kag batunon kun ano man ang igahatag sa ila nga penalidad sang Land Transportation Franchising and Regulatory Board (LTFRB) Region VI bangud sa nagakatabo nga aberya kag aksidente sang ila mga unit.
Ginkasubo man sang ila kompaniya ang liwat nga aksidente.
Suno kay Seballos ila igahatag ang tanan nga kinahanglanon sang mga biktima bangud suno sa iya indi man nila luyag nga matabo ini sa ila mga unit ilabi na nga kabuhi sang ila pasahero ang risgo.
Maga-patigayon man sila sang medical check up sa mga konduktor kag drivers nila agud masiguro kun fit ang mga ini bilang mangin empleyado sang Vallacar Transit Incorporated.
