Nagpaskil ang pamunuan sang Vallacar Transit Incorporated sa south bound terminal sang bus schedule agud nga mahatagan sang giya ang mga pasahero nga luyag nga magpauli sa tagsa ka mga banwa kag ciudad agud nga magselebrar sang new year kaupod ang ila nga pamilya.
Yari ang pila ka schedule sang bus para sa December 28 to January 5, ang last trip non aircon padulong sa Maao halin sa Bacolod ang alas 12:00 sa kaagahon samtang ang Maao padulong sa Bacolod ang alas 9:00 sa gab-i.
Ang schedule naman sang aircon halin sa Bacolod padulong sa San Carlos ang alas 9:00 sang gab-i samtang ang halin naman sang San Carlos padulong sa Bacolod ang alas 7:30 sang gab-i kag ang non-aircon padulong sa Sipalay via Candoni halin diri sa Bacolod alas 1:00 sa hapon ang last trip samtang ang halin naman sa Sipalay padulong Bacolod via Candoni ang alas 3:00 sa hapon.
Sa interview sang Bombo Radyo Bacolod kay Jade Marquez, media relations officer sang Vallacar Transit Incorporated, nagpaskil na sila sang bus schedule agud nga indi mabudlayan ang mga pasahero nga mapauli para sa New Year.
Suno kay Marquez, lantawon lang ang schedule agud nga may guide ukon mahimo man makapamangkot sa mga personnel sang terminal sang trip schedule.
Nagpanugyan man ini sa mga pasahero nga maghalong agud nga masadya nga masug-alaw ang bag-ong tuig kaupod ang pamilya
