“Van Gogh” chair naguba matapos ginpungkoan sang turista sa Italy

Naguba ang “Van Gogh” chair matapos pungkoan sang isa ka turista sa Palazzo Maffei Museum sa Verona, Italy.

Sa kuha sang CCTV sang museum, nagpapicture ang isa ka babayi sa bangko nga artwork.

Apang wala man sini gintungtong ang iya buli sa bangko.

Sunod nga nagpapicture ang kaupod sini nga lalaki nga nagpungko gid sa artwork amo nga naguba ini.

Dali-dali nga naglakat ang duha ka turista matapos ang insidente.

Ang “Van Gogh” chair ang ginhuman ni Nicola Bolla kun sa diin naputos ini sa linibo ka mga Swarovski crystals.

Sa karun wala pa nahibaluan ang identity sang duha ka turista samtang suno naman sa museum, nakay-o na ang naguba nga bangko.