“Very High” alert status, gindeklarar na sang WHO bangod sa Ebola outbreak sa DR Congo

Gindeklarar na sang World Health Organization nga “very high” ang alert status natuhoy sa paglapta sang Bundibugyo strain sang Ebola virus sa Democratic Republic of the Congo.

Santo sa WHO, wala pa gihapon sang aprubado nga bakuna ukon bulong batok sa nasambit nga strain sang Ebola.

Nagpaandam man WHO nga mataas ang posibilidad sang madasig nga paglapta sang virus, apang nagapabilin nga manubo ang risgo sa pangkalibutanon nga lebel.

Sa karon, 82 na ang kumpirmado nga kaso sa Congo, sa diin pito na ang kumpirmado nga napatay, samtang 177 naman ang suspected deaths kag nakarecord na sang kapin 750 ka kaso.