Temporaryo nga nagpungko sa karun bilang acting governor sang probinsya sang Negros Occidental ang bise gobernador matapos nga nagleave si Negros Occidental Governor Eugenio Jose “Bong” Lacson halin Abril 10 tubtub Abril 16 agud nga magpadulong sa Australia.
Suno kay Negros Occidental Provincial Administrator Atty. Rayfrando Diaz, gindesignate ni Governor Lacson si Vice Governor Jeffrey Ferrer bilang acting governor samtang nakaleave ini.
Santo sa executive order nga ginpagwa sang gobernador, gindesignate sini ang bise gobernador sa nasambit nga posisyon agud nga masiguro nga padayon ang paghatag sang basic kag social services nga kabahin sang duties kag responsibilities sang gobernador.
Suno kay Diaz, sa April 17 magabalik naman ang gobernador agud nga masaksihan ang openning sang Panaad sa Negros Festival.
