Ginhangkat ni Vice President Sara Duterte si President Ferdinand Marcos Jr. nga magpaidalum sa drug test matapos ang ginbuy-an nga alegasyon ni Senator Imee Marcos nga ginaalegar nagagamit sang illegal nga druga ang First Family.
Suno sa bise-presidente, dapat magpakita sang resulta ang Presidente agud mapamatud-an nga makasarang ini nga magpamuno sa pungsod.
Sang ginpamangkot ini kun siya ang nagapati sa alegasyon, ginpahayag ni Duterte nga tanan nga kaupod nila sa partido ang nagpahayag nga nagagamit ang mga ini sang illegal nga druga.
No comment naman si VP Sara sa posibilidad nga magbulos bilang Presidente in kaso nga maglala pa ang sitwasyon.
Natalana nga magtambong si Duterte sa senate hearing sa Huwebes, Nobyembre 27 para sa 2026 budget sang Office of the Vice President.
