Gin-impeach sang Kamara de Representates si Vice President Sara Duterte sang makaduha na ka beses.
Ini matapos magboto pabor ang 257 ka mga kongresista, 25 ang nagpamatok kag siyam naman ang nag-abstain.
Kalakip sa mga ginbasehan para i-impeach si VP Sara amo ang culpable violation of the Constitution, graft and corruption, betrayal of public trust, bribery kag iban pa nga high crimes.
Ang numero sang mga mamalidha nga nagboto pabor agud ma-impeach ang bise presidente ang naglapaw pa sa 106 nga kinahanglan nga boto santo sa konstitusyon.
Ginpahayag ni Justice Committee chair kag Batangas Rep. Gerville Luistro nga dapat ipaathag ni VP Sara ang P6.7 billion sa bank transactions niya kag sang iya bana nga si Atty. Manases Carpio, nga nakadeklarar sa ila nga joint filing sang Statement of Assets, Liabilities and Net Worth (SALN).
Hugot man nga ginpanindugan ni Luistro nga ang Articles of Impeachment ang nakabase sa ebidensiya kag indi “chismis” lamang.
