Naghingyo si Vice President Sara Duterte sa Korte Suprema nga temporaryo nga untaton ang nagapadayon nga impeachment proceedings batok sa iya sa lower chamber sang kongreso.
Sa 58 pages petition, ginapangabay sang bise presidente ang temporary restraining order (TRO) agud untaton ang hearing sang House justice committee.
Dugang pa niya, ang proseso ang nagalapas sa Konstitusyon.
Suno kay Vice President Sara, ang komite sang Kamara ang nagasobra na sa ila otoridad bangud nagapatigayon na ini sang “mini-trial,” kun sa diin ang Senado lamang ang may mandato sa pagpatigayon sang trial sa mga kaso sang impeachment.
Dugang pa diri, ginpahayag niya nga wala siya nahatagan sang due process agud mapakigbato ang iya kaugalingon.
Samtang, ginpanginwala naman sang pila ka mga mamalidha ang mga alegasyon ni Duterte.
Suno sa ila, napaidalom sa husto nga proseso ang pag-refer sang impeachment complaints kag nagasanto ini sa Konstitusyon.
Sa karon, ginahulat pa ang desisyon sang Korte Suprema kun tugutan ang request ni Duterte nga pauntaton ang impeachment proceedings ukon padayunon ini.
