Ginpahayag ni Vice President Sara Duterte nga nakahanda ini nga atubangon ang mga impeachment complaint nga ginpasaka batok sa iya.
Suno diri, may yara na ini sang mga abogado kag posible nga magadefend sa iya amu ang iya amay nga si former President Rodrigo Duterte, nga isa man ka abogado.
Suno sa bise-presidente, wala ini sang may ginlapas nga layi may kaangtanan sa tatlo ka mga impeachment complaints nga ginfile batok sa iya sang Kamara de Representantes.
May yara man ini sang mga abogado in kaso nga madayon ang reklamo kag maglab-ot sa impeachment trial.
Nagapangatubang si Duterte sang tatlo ka mga impeachment complaints bangud sa ginaalegar illegal nga paggamit sang P612 million confidential funds sang Office of the Vice President kag sa anay sini ginapamanuan nga Department of Education.
