Ginbatikos ni Vice President Sara Duterte ang gobyerno sang Pilipinas lakip na ang House of Representatives bangud sa kakulang sang mga tikang agud ma-address ang mga issues sa health, security, infrastructure kag foreign interference.
Sa isa ka statement nga gin-address sini sa Muslim community, ginpahayag ni Duterte nga ang pungsod ang ginapamunuan sang mga opisyales nga indi tampad sa ila ginsumpaan nga mga trabaho.
Suno sa iya, ang Pilipinas ang dapat pamunuan sang mga persona nga may pagtamod kag may abilidad nga ipromote ang matinlo nga gobyerno kag development sang pungsod.
Apang sa karun, ang Pilipinas ang ginapamunuan sang mga opisyales nga wala sang loyalty kag sa karun ginakahangaw-an ang mangin puturo sang masunod nga henerasyon.
Ginbatikos sang bise-presidente ang gobyerno bangud sa kakulang sang imprastraktura agud malikawan ang mga kalamidad kasubong man ang healthcare system kag ang sitwasyon sang mga airports diri sa pungsod.
Ginpahanumduman naman sang isa ka mamalidha si Duterte nga bilang bise-presidente, siya ang nagbiya sa Pilipinas sa tunga sang paglaslas sang Typhoon Carina kag southwest monsoon.
Suno kay Zambales 1st district Rep. Jefferson Khonghun, si Duterte ang wala sa tion nga ginabagyo ang mga Filipino bangud siya ang nagbakasyon sa Germany gani nagpanawagan ini kay Duterte nga ubrahon ang iya katungdanan bilang ikaduha nga pinakamataas nga opisyal sang Pilipinas.
