Gin-aresto ang tatlo ka persona sa magkatuhay nga buybust operation nga ginpatigayon sang Silay City Police Station subong nga adlaw, January 28, 2025.
Arestado ang isa ka waitress nga ginkilala kay Charimel Pallasa, babayi, 29 anyos, residente sang resident of Purok Mangingisda, Barangay Guinhalaran, Silay City, Negros Occidental kag ginakabig nga Street Level Individual.
Si Pallasa ang naaresto paagi sa ginpatigayon nga drug buybust operation sa Purok Mangingisda, Barangay Guinhalaran, Silay City, Negros Occidental alas 6:05 ang takna subong nga gab-i.
Nakuha sa paghinakop sini ang lima ka heat sealed transparent sachet sang suspected shabu narecover man ang isa ka heat-sealed transparent plastic sachet bilang buybust item; P3200 nga kwarta bilang buybust money kag narecover man ang pila ka non-drug items.
Ginabanta nagabug-at sang 8 grams ang nakuha nga suspected shabu kag ginabanta nagabili sang P54,400.00
Samtang naaresto man ang duha ka mga persona sa drug buybust operation nga ginpatigayon sa Sitio Estaca, Barangay Lantad, Silay City, Negros Occidental kaina alas 11:45 ang takna sa aga.
Ginkilala ang mga nagkaladakpan nga sanday Mark Glen Pelaez, High Value Individual, Top 3 Priority List, City Level, 36 anyos, single, pedicab driver samtang ang isa amo si Loreto Pelaez Jr, Street Level Individual, kasado, manugbaligya sang isda kag lunsay mga residente sang nasambit nga lugar.
Nakuha naman sa paghinakop sang mga ini ang 13 ka sachets sang suspected shabu nga ginabanta nagabug-at sang siyam ka gramos kag nagabalor sang Php 61,200.00.
Ang mga naaresto ang nakahunong na sa Silay City Police Station kag magapangatubang sang kaso nga paglapas sa RA 9165 ukon Comprehensive Dangerous Drugs Act of 2002.
