Indi magnubo sa walo ka mga personnel sang Philippine Navy ang pilason matapos gin-intercept sang Chinese vessels ang isa ka resupply run sa BRP Sierra Madre sa Ayungin Shoal sa West Philippine Sea sang Lunes.
Santo sa reports, nabunggan sang China Coast Guard kag nagboard sa isa ka Rigid Hull Inflatable Boat (RHIB) nga gindispatch sang Philippine Navy agud magdala sang supplies sa BRP Sierra Madre, nga nagresulta sa pagkapilas sang mga Filipino nga sailors, kun sa diin isa ang nadulaan sang tudlo.
Ginkuha man sang China ang high-powered weapons nagikan sa Navy persnnel kag ginbuhuan ang isa sa mga RHIBs.
Sa karun indi pa maathag kun ang mga sailors ukon ang mga barko ang naka-evacuate na sa area matapos ang statement nagikan sa military.
Sa karun wala pa nakapagwa sang dugang nga detalye ang Department of National Defense kag Armed Forces of the Philippines natuhoy sa nasambit nga insidente magluwas lamang sa mga statements nga nagakondenar sa tikang sang China.
