Ginhangkat ni Vice President Sara Duterte ang mga Filipino nga maghalad sang pagpalangga sa isa kag isa subong nga Christmas season ilabi na sa mga pigado kag nagamasakit kadungan sang paghambal sini natuhoy sa kapatawaran kag respeto.
Suno kay Duterte, sa ila pagsaulog sang Paskwa, ginapanawagan ang tanan nga mangin mapinatawaron, maalwan kag mapinalanggaon sa isig-kapareho.
Suno diri, ang pagkabun-ag ni Hesus ang isa ka mensahe sang kapatawaran nga nagasimbolo sang wala tupong nga pagpalangga sang Diyos sa tanan.
Suno sa iya, dapat gamiton ang iya ehemplo bilang inspirasyon sa relasyon sa isig-kapareho ilabi na sa pamilya kag mga pinalaangga sa kabuhi.
Gindugang man sang bise-presidente nga magluwas sa material nga mga regalo, dapat i-extend sang mga Filipinos ang pag-intindi kag respeto sa isa kag isa.
