Tubtob nalang bwas Mayo 31 ang pagpahanugot sa Weekend Night Market sa Gonzaga kag Gatuslao Street sa palibot sang Bacolod City Public Plaza.
Nahibaluan nga nag-umpisa ang pagpahanugot sang mga vendors sa pagpatigayon sang Weekend Night Market sang Mayo 12, Biyernes tubtob Domingo.
Sa interview sang Bombo Radyo Bacolod kay Bacolod City Administrator Atty Mark Steven Mayo, nalipay naman ang mga vendors nga ginpahanugutan sila nga makabaligya sa night market sa bulan sang Mayo.
Apang paathag ni Mayo nga bangod magasugod na ang klase sa Hunyo, ginalauman nga mangin masako naman ang dalan, gani indi na ma-extend ang ila pagbaligya sa area.
Aminado si Mayo nga maayo ang feedback sa weekend night market, kag ini ang luyag nila nga mahimo permanente.
Apang suno diri, wala gid sang viable area nga pwede maplastaran sa downtown area.
Nahibaluan nga isa sa mga una nga ginkonsiderar ang Fr. Ferrero Street, apang yara ang Manokan Country kag may routa nga nagalabay.
Suno kay Mayo, may-ara na sila sang ginalantaw nga pribado nga propidad, apang ini ang under negotiation pa.
Nagalaom ini nga may mahitso na nga pwesto antes ang Masskara Festival.
