Preparado na ang mga atleta sang probinsya sang Negros Occidental nga maga-compete sa Palarong Pambansa 2024 sa Cebu City.
Ang Palarong Pambansa 2024 ang maga-umpisa sa Hulyo 9 kag magatakop sa Hulyo 15.
Masobra sa 700 ang delegasyon sang Western Visayas kalakip na diri ang mga athletes, coaches kag officials.
Sa interview sang Bombo Radyo Bacolod kay Romeo Sison, provincial sports coordinator sang Negros Occidental, ang delegasyon sang Negros Occidental ang magapadulong sa Cebu City sa Hulyo 7.
240 tanan ka delegates ang magapadulong sa Cebu nga ginalakipan sang mga athletes, coaches, DEPED officials kag provincial officials.
Sa karon, kapin sa isa na ka bulan ang pag-ensayo sang mga athletes sa Panaad Park and Stadium.
Suno kay Sison, ginalauman nga madamo sang medalya nga makuha ang probinsya ilabi na sa bahin sang atheltics.
Samtang, ginalauman naman nga magadangat sa kapin sa 25,000 ka mga indibidwal ang magapadulong sa Cebu City para sa isa ka semana nga national sport event.
