Santo sa medal tally sang Palarong Pambansa 2024, ang Western Visayas ang may yara na sa karun sang lima ka gold, duha ka silver, isa ka bronze.
Sa interview sang Bombo Radyo Bacolod kay Department of Education Region 6 Spokesperson Hernani Escullar Jr., sila ang may-ara sang tournament coordinators bilang monitoring tools sa Palarong Pambansa para sa unofficial result apang ang sila ang nagabasi gid sa Palarong Pambansa Secretariat para sa official tally.
Samtang wala pa sa karun sang mga medalya nga ginahatag sa mga team sports bangod yara pa lamang sa elimination.
Ginapakamaayo ni Escullar nga medyo may gamay nga pag-ulan kaina sang aga gani indi tuman ka paang para sa mga atleta partikular na sa mga nagahampang sa outdoor games.
Samtang kalabanan sa mga playing venues ang mabyahe naman sa sulod sang 15 tubtob 45 minutos gikan sa ila billeting area kag isa ka oras nga byahe na ang pinakamalawig lakip na ang traffic.
Ginaseguro naman sang mga ini nga temprano nga madeploy ang mga players agud indi magkahangawa sa traffic situation sa Cebu.
Samtang padayun man ang pagkoordinar nila sa local health representative sang Cebu kag sila ang may-ara man sang clinic nga may 24 oras nga on-standby nga doktor agud maghatag sang nagakaigo nga medical treatment.
Kun kinahanglan naman nga dal-on sa ospital, may-ara man sang natalana nga referral hospital.
