Halos kalabanan sa atun ang nagapati nga ang atun nga pagtinguha ang may kabaylo nga kaayuhan sa pag-abot sang adlaw.
Ini ang kaangay man nga na-eksperyensyahan sang isa ka working student nga nagatrabaho bilang food delivery rider.
Ang lalaki nga nagviral sa social media matapos nga makit-an nga nagakuha sang exam samtang nagadeliver sang pagkaon, ang nakaangkon sang indi lang isa kundi duha ka scholarship offers bangod sa siya ang makabig inspirasyon sa madamo nga mga netizens.
Nakuha ni Jayson Bangayan ang atensyon sang mga netezins matapos nga naglapta ang litrato sini nga nagabusy sa iya nga cellphone samtang nagahulat sang iya nga food orders.
Pahayag sang assistant manager sang fast food restaurant nga nacurious ini kun ngaa wala pa ini naghalin apisar nga nadaho na ang orders.
Natukiban sini nga ang rasun kun ngaa wala pa naghalin ang rider bangod may ginatapos pa ini nga exam sa eskwelahan.
Suno kay Bangayan, nagpick-up siya sang order sang duha ka customer kag sang ginhambal sa iya nga 20 minutos antes matapos ang pagpreparar sang pagkaon, gintinguhaan nalang sini buhaton ang exam samtang nagahulat kag nahimo nya man ini nga matapos gilayon.
Ginpaathag man sang 22 anyos nga working student nga una na sini nga ginpahibalo ang customer nga siya ang may pagakuhaon nga exam kag ginhambalan pa siya sini sang “good luck”.
Magluwas sa mga netizens, nakuha man ni Bangayan ang atensyon sang duha ka review centers nga lunsay nag-offer sang scholarship.
Si Bangayan nga graduating na bilang criminology student ang nagpahayag nga importante sa iya nga makatrabaho sa kada adlaw bilang delivery rider kag magapadayun ini sa pagtrabaho para sa iya nga bwas damlag.
Panugyan man sini sa iban nga dapat “mind over matter” lang, kag indi pagpinsarun nga indi masarangan ang isa ka butang sa baylo dapat nga pinsaron nga masarangan ini agud nga magmadinalag-on.
