Ginpahayag sang Corporate Communications Head sang National Grid Corporation of the Philippines (NGCP) Western Visayas nga posible bangod sa tiyempo kag yab-ok ang rason sa pagkadula sang kuryente kaina sang kaagahon santo sa ila nga inisyal nga report.
Sa interview sang Bombo Radyo Bacolod kay Michelle Visera, madamo sang rason kun ngaa nagaluntad ang power interruptions.
Suno diri, santo sa inisyal nga report, posible nga bangod sa padayon nga mainit nga tiyempo kag natipon nga yab-ok sa insulators nga gin-ulanan kag nangin lutak, ang rason .
Magluwas sa pagtinlo, pag-tsekyar, padayon man nga ginatun-an ang nagapanguna nga rason sang brown out.
Apang, nangin madugay naman ang pag-inspect amo nga nangin malawig nga wala sang kuryente agud masiguro man nga wala na sang power interruptions kag problema pa.
