Natalana nga maga-host ang Pilipinas sang youth-based multi-sport competition nga makabulig sa pagpasiguro sa kahandaan sang atleta sang rehiyon para sa Asian Youth Games (AYG) kag Youth Olympic Games (YOG).
Gindesinyo ang Southeast Asian Plus Youth Games ukon SEA Plus YG nga patigayunon isa ka tuig antes ang AYG para sa mga atleta nga naga-edad 17 kag panubo.
Ginpamunuan ni Philippine Olympic Committee (POC) president Abraham “Bambol” Tolentino ang pagtukod sang event.
Si Tolentino ang magatindog bilang founding president samtang nakuha na ang official approval sang siyam sa onse ka national Olympic committee (NOC) presidents sang SEA Games nga ginalakipan sang Thailand, Indonesia, Malaysia, Laos, Cambodia, Myanmar, Vietnam kag Timor Leste.
Suno sa POC president nagpabutyag na sang suporta ang Olympic Council of Asia (OCA) kag nakahanda nga magbulig sa SEA Plus YG sa isa ka meeting sa tunga sang founding members upod kay OCA Director General Dr. Husain AHZ Al-Musallam sang Kuwait.
Ang pinakauna nga edition ang ginalauman nga patigayunon sa Manila sa 2028.
